HEADLINES
#Larsap Dr. Hari Babu Kambhampati chu Principal Accountant General Pu L. Hangsing leh a hoten hmuin State Finances Audit Report(SFAR) 2021-2022 chungchang an sawipui.
# School Education Minister Pu Lalchhandama Ralte chuan Mizoram SSA Teachers’ Association (MSSTA) General Conference vawi 3-na, Chanmari YMA Hall, Aizawl-ah neih a hmanpui.
# Deputy Chief Minister, Urban Development and Poverty Alleviation changtu nibawk Pu Tawnluia’n cheng vaibelchhe 41.59 senga City Centre, Bara Bazar, Dawrpui veng a sakna tur lungphum a phum.
# Supply Minister Pu K.Lalrinliana’n Mizo Zirlai Pawl, MZP chu sawrkar kal sual tur venna leh khalh ngiltu hmanraw pawimawh tak an nih thu MZP Headquarters Kolasib Conference, 2023 nizana a hmanpuinaah a sawi.
# Rural Development Minister Pu Lalruatkima’n ram leh hnam humhalh turin zirna uar, ruihhlo laka inthiar fihlim leh fa hrin tam a pawimawh tih a sawi.
# Power & Electricity Minister, Tawi Bialtu MLA nibawk Pu R.Lalzirliana’n Saitual District Fisheries Development Officer office thar a hawng.
# Siaha District chanchinthar thlirho vethung ang. State Election Comissioner Pu Laima Chozah chuan Mara Autonomous District Council, MADC hnuaia Village Council Inthlan neih hun atan April ni 18 ruat anih thu a puang.
# Environment, Forests & Climate Change Minister Pu TJ Lalnuntluanga’n Chief Wildlife Warden Office, New Secretariat Complex Road-a sak thar a hawng.
# Social Welfare Minister Er. Lalrinawma’n Tawitlang Group YMA Inkhawmpui leh Golden Jubilee lawmna Lungpho a neih a hman pui.
# Mizoram Journalists’ Association (MJA) General Conference vawi 49-na chu Govt. Saiha College Seminar Hall-ah neih a ni.
# Congress hruaitu Rahul Gandhi chu kum 2019-a Modi hnam hming tichhe zawnga a tawng thubuai kal zelah Gujarat court chuan kum 2 chhung lungin tang turin a hrem.
# Rajya Sabha Chairman Jagdeep Dhankhar an pangngai taka Rajya Sabha rorel inkhawm neih a nih theih nan party hrang hrang hruaitute a kawm.
# Sorkar laipui chuan Covid-19 hrileng a la reh loh avangin ram mipuite fimkhur chhunzawm turin a chah.
# India-ah darkar 24 kalta chhungin Covid-19 hri kai mi sang 1,300 hmuhbelh an ni.
# Prime Minister Narendra Modi chuan naktuk khian Varanasi, Uttar Pradesh-a ram hmasawnna tura hnathawh zawh tawh leh thawh hmabak cheng vbc. sang 1,780 hu a hawng dawn.
# Union Petroleum and Natural Gas Minister, Hardeep Singh Puri chuan Pradhan Mantri Ujjwala Yojana (PMUY) thawh hnihna atana bituk zat chu khum a nih tawh thu a tarlang.
# Sorkar laipui chuan ramchung thingtlanga chenna in za zela 59 dawnin tui herh haw theih an neih tawh thu a tarlang.
source
